Tulunada Daivolu » Notes » ವಿಷ್ಣೂಮೂರ್ತಿ ದೈವ- Vishnu Moorthi Daiva

  • ವಿಷ್ಣೂಮೂರ್ತಿ ದೈವ- Vishnu Moorthi Daiva

    Posted by Sathish Agpala August 30, 2017 - 841 views - 0 comments - 0 likes - #ವಿಷ್ಣೂಮೂರ್ತಿ ದೈವ-  #Vishnu Moorthi Daiva 

    ಮಲಯಾಳಿ ದೈವ ತುಳುನಾಡ್ ಗ್ ಬತ್ತಿನಾ         ಸಂಪೊಲಿಪುಲೆ

     ವಿಷ್ಣೂಮೂರ್ತಿ ದೈವ ತುಳುನಾಡ್‌ಗ್ ಬೈದಿನಿ ಮಲಯಾಳಿ ಬಿಲ್ಲವ ಸಮುದಾಯದ (ತೀಯ, ಬೆಳ್ಚಾಪಾಡ(ಮಲೆಯಾಳಿ ಬಿಲ್ಲವ)) ಒಂಜಿ ಜವನನ ಮೂಲಕೊ. ಆಯನ ಪುದರ್‍ ಕಣ್ಣನ್. ಈ ಜವಣೆ ಮಲಬಾರ್‍ ಪ್ರಾಂತ್ಯೊದ ಒಂಜಿ ಮನೆತನೊದ ಇಲ್ಲಡ್ ಬೇಲೆಗಿಪ್ಪುವೆ. ಧನಿನ ಮರ್ಮಲೆನ್ ಮೋಕೆ ಮಲ್ಪುವೆ. ಸಂಗತಿ ಗೊತ್ತಾಯಿನ ಧನಿ ಕಣ್ಣನ್‌ಗ್ ಶಿಕ್ಷೆ ಕೊರಿಯೆರೆ ದುಂಬಾನಗ ಕಣ್ಣನ್ ತಪ್ಪದ್ ಕುಡ್ಲಗ್ ಬರ್‌ಪೆ. ಕುಡ್ಲಡ್ ಆಯಗ್ ಒರ್ತಿ ಬ್ರಾಂದಿ ಪೊಂಜೊವು ಆಶ್ರಯೊ ಕೊರ್ಪಾಲ್. ಅಲ್ಪ ಕಣ್ನನ್ ಒಂಜಿ ವಿಸೇಷ ವ್ಯಕ್ತಿಯಾದುಪ್ಪುವೆ. ಏತೋ ಸಮಯೊ ಕರಿಬೊಕ್ಕ ಆಯೆ ಕುಡ ಮಲಬಾರ್‌ಗ್ ಪೋನಗ ಆ ಬ್ರಾಣೆರೆ ಪೊಂಜೊವು ಒಂಜಿ ತತ್ರ (ಕೊಡೆ) ಬೊಕ್ಕೊಂಜಿ ಕತ್ತಿ ಕೊರ್ಪೆರ್‍.ಅಪಗ ಆಯನ ಮಿತ್ತ್ ದೈವೊದ ವಸಾಯ ಆಪುಂಡು.ಕಣ್ಣನ್ ನೀಲೇಶ್ವರೊಗು ಬತ್ತಿನ ಸುದ್ದಿ ಕೇಂಡಿನ ಧನಿ ಆಯನ್ ಕೆರ್ಪಾವೆ. ಅಪಗ ಕಣ್ನನ್ ಪತೊಂದಿನ ಕತ್ತಿಗ್ ವಸಾಯ ಆಪುಂಡು.ನಾಯರ್‌ನ ಇಲ್ಲಡ್ ಮೈಲಿಗೆ (ಸಿಡುಬು) ರೋಗ ಬರ್ಪುಂಡು.ಉಂದು ನರಸಿಂಹ ದೇವೆರೆನ ಕೋಪ ಪನ್ಪಿನ ಸಂಗತಿ ತೆರಿದ್ ಬರ್ಪುಂಡು. ಅಂಚಾದ್ ಆಯೆ ವಿಷ್ಣುಮೂರ್ತಿ ದೈವೊಗು ಸೇವೆ ಕೊರ್ಪೆ.ಕಣ್ನ್ ತುಳುಇನಾಡ್‌ಗ್ ಬತ್ತ್‌ದ್ ಇತ್ತಿನೇಡ್ದಾವೆರೆ ತುಳುನಾಡ್‌ಡ್ ವಿಷ್ಣುಮೂರ್ತಿ ದೈವೊದ ಸೇವೆ ಸುರುವಾಂಡ್.

     ನಡಪಿನ ಜಾಗೆಲು   ಸಂಪೊಲಿಪುಲೆ

    ಕುಡ್ಲದ ಕುಡುಪಾಡಿಡ್ ಬಾರೀ ಪಿರಾಕ್‌ದ ವಿಷ್ಣುಮೂರ್ತಿ ದೈವೊದ ಸಾನಿಧ್ಯ ಉಂಡು. ಉಂದು ಮುಕ್ಯವಾದ್ ಸುಳ್ಯ,ಪುತ್ತೂರು ಜಾಸ್ತಿ ಉಂಡು, ಕಲ್ಲುಗುಂಡಿ,ಕುಂಚಡ್ಕ,ಅಲೆಟ್ಟಿ(ಪಂಜಿಮಲೆ),ಬಲ್ಪ, ಕೇನ್ಯ, ಪಾಲ್ತಾಡ್,ಮಜ್ಜಾರಡ್ಕ ,ತೆಗ್ಗ್,ಸಂಪ್ಯ ಇಂಚಿನ ಕೆಲವು ಪ್ರಸಿದ್ದ ಒತ್ತೆಕೋಲ ಕ್ಷೇತ್ರೊಲು ಮೂಡಾಯಿ ತುಳುನಾಡ್‌ಡ್ ತಿಕ್ಕುಂಡು.ಆಂಡ ನಡ್ಪತ್ತ ಬೊಕ್ಕ ಬಡಕಾಯಿ ಭಾಗೊಡು ಒತ್ತೆಕೋಲ ಇಜ್ಜಿ. ಕಾಸರಗೋಡು ಮರ್ಗಿಲ್‌ಡ್ ಮಸ್ತ್ ಕಡೆಟ್ ಒತ್ತೆಕೋಲ ಉಂಡು. ದಕ್ಷಿಣ ಕನ್ನಡ - ಕಾಸರಗೋಡು ಗಡಿಯಾದುಪ್ಪುನ 'ಕುಳ' (ಕುಳದ ಪಾರೆ) ಪನ್ಪಿನಲ್ಪ ನಡಪ್ಪುನ ಒತ್ತೆಕೋಲೊಗು ಬಾರೀ ಮಹತ್ವ ಉಂಡು.ಮಲಬಾರ್‍ ಪ್ರಾಂತ್ಯೊಡು ವಿಷ್ಣುಮೂರ್ತಿ ದೈವೊಗು ಒತ್ತೆಕೋಲ ಮಾತ್ರವತ್ತಂದೆ ಕುಟುಮೊದ ತರವಾಡ್‌ಲೆಡ್‌ಲ ಕೋಲ ಸೇವೆ ಕೊರ್ಪುನ ಕ್ರಮೊ ಉಂಡು.


  • 0 comments